1010 kom pu che,
Tüfa ñi blog, faw wirintükukünuan ñi mufü rakiðuam. Petu ñi blogtunun, wüne feypian: newe kimmapuðüŋulan, welu fillke Anthü chillkatuken ñi adümyekümeam Mapuðüŋun. Fey mew kümelkatumuafun anhay weluðüŋulu iñche, rulpallaðkümuafun.
Iney am ta iñche? Chili Mapu mew tuwün, welu ðew tremuwyelu ŋeparken mülealu Ewropa. Faw kimürpan itro kom trokiñ che; fey nütramkalpaenew eŋün iñ ŋoymaŋechi küpan: pu Mapuche, pu Kichua, pu Aymara, pu Selkünam, pu Kawesqar, pu Diagita, pu Rapa Nui, pu Likan Antai, ka kom pu che mülewma tüfachi Mapu mew –Chili piŋey fewla– petu ñi akunun España che. Iñ mollfüñ mew nhewentu witruley fey eŋünŋelu, iñchiñ mew moŋelekayŋün may ŋa. Rume afmatuniefiñ kom feychi fütrake che em ka feychi moŋelekalu ka fey.
Ðewma pinielu kom tüfa, kiñelewechi ðüŋu pian: kiñeke mew miawmekey rakiðuam ñi pu loŋko, welu üñüm reke müpütriparumey. Fey ñi ñamkanuam "ðewmaan blog, tüfa mew elkayenieafiñ ñi fentren ŋüneðuam" piwürken. Fey müten.
Wiriwkalleael,
~ Amaru.
Aucun commentaire:
Enregistrer un commentaire